Errenteriako Urdaburu Mendizale Elkarteak Martxa Beret lasterketara irteera antolatu du otsailaren 1 eta 2rako.
Larunbatean eskiatzeko denbora librea izango dugu Pla de Bereten eta igandean, nahi duenak, Martxa Beret lasterketan parte hartu dezake. Lasterketa herrikoia da eta eskiatzea gustuko duen oro animatu nahi dugu martxan parte hartzera.
Lasterketa egin nahi ez duen norbait balego, eskiatzera, raketekin ibiltzera edo Vielha eta inguruak ezagutzera etor daiteke.
Prezioa 90€ bazkideentzat eta 100€ ez bazkideentzat izango da. Prezioaren barruan bidaia, eta ostatua afaria eta gosariarekin sartzen da. Ostatua Vielhan izango da.
Eskiatzeko materiala ez duenak (eskiak eta botak, raketak) elkartean aloka dezake, beraz urtarrilaren 28an eta 30an elkartetik pasa materiala erreserbatzeko.
Irteera goizeko 6:00etan izango da Zumardiko autobus geltokian (6:05ean Lintzirinen). Apuntatzen den jendearen arabera, Irunen ere geldituko ginateke. Formularioan adierazi horrela bada.
OHARRA: apuntatzeko epea urtarrilaren 14a arte izango da. Egun horretan bertan bidaliko dizuegu mezu elektronikoa irteera aurrera atera den ala ez jakiteko eta orduan hartuko dugu parte hartzeko dortsala.