Urtarrilaren 25 eta 26rako iraupen eski ikastaroa antolatu dugu.
Ikastaroa helduei zuzenduta dago eta Urdaburuko kideak izango dira monitoreak. Ikastaroa egin nahi ez duenak, eskiatzera soilik etor daiteke. Elurraren arabera, Pont D´Espagne edo Val D´Azunen izango da jarduera eta Lourdes-en egingo dugu lo.
Prezioa 85€ ez bazkidentzat eta 75€ bazkidentzat izango da. Prezioaren barruan fortaita eta ostatua dago. 6 pertsonentzako apartamentuetan egingo dugu lo: ohe bikoitza, bi litera eta sofa-ohea.Apartamentuen antolaketa errazteko, oharretan adierazi apartamentu bat okupatuko duzuen pertsonen izenak. Apartamentua osatzeko nahikoak ez izan arren, adierazi elkarrekin etortzen zareten pertsonen izenak.
Eskiatzeko materiala ez duenak (eskiak eta botak) elkartean aloka dezake, beraz urtarrilaren 21ean edo 23an elkartetik pasa materiala erreserbatzeko.
Irteera goizeko 7:00etan izango da Zumardiko autobus geltokian (7:05ean Lintzirinen). Apuntatzen den jendearen arabera, Irunen ere geldituko ginateke (ETH Hotela). Formularioan adierazi horrela bada.
Izena ematerakoan zure telefonoa eta emaila adierazi zurekin harremanetan jarri ahal izateko.
Plaza mugatuak dira (40).