ARAU OROKORRAK
- Urdaburu Mendizale Elkarteko bazkide guztiek erabil dezakete aterpea beren eskubide gisa, eta bazkideak ez diren beste pertsona batzuekin batera joan daitezke.
- Zuzendaritza Batzordeak, egutegia egin ondoren, data batzuk izango ditu aterpea erabiltzeko, ikastaroak egiteko, kanpamenduak egiteko, etab.
- Batzorde arduradunak beretzat gordetzen du elkarteko kanpoko taldeen onarpen-ahalmena, Zuzendaritza Batzordearen ebazpenaren arabera.
- Aterpeak 46 lagunentzako lekua du literetan. Ez da ukatzen egoera berezietan dagoen pertsona bat gaua igarotzeko sartzea, baina egoera horretan eta bazkide okupatzaileen aldez aurreko baimenarekin. Hala ere, gehienez 36 pertsona egon ahalko dira batera bertan.
- Aterpea Urdaburu Mendizale Elkartearen jabetzakoa eta erabilerakoa denez, bazkide guztiak behartuta daude hura zaintzera eta bere gauzatzat mantentzera, eta arduragabekeriaz edo utzikeriaz gerta litekeen edozein narriaduraz arduratuko dira.
- Aterpearen erabilera, gehienez ere, 8 gauekoa izango da. Egun gehiago luzatu nahi izanez gero, batzordeari jakinarazi beharko zaio, eta elkartera deitu idazkaritzako ohiko orduetan. Aurreikusitako data baino hilabete lehenago arte ez da erreserbarik egingo.
- Aterpearen giltza elkartearen egoitza sozialean emango da, idazkaritzan, irekita dagoen egun eta orduetan.
- Giltzak itzultzeko epea hiru egunekoa da. Giltza entregatzean atzeratutako egun bakoitzeko, egun bat gehiago erabili izan balitz bezala kobratuko da. Itzulketa egiteko, idazkaritzaren ordutegia hartu behar da kontuan. Bazkideren batek giltzak ematen ez baditu, Zuzendaritza Batzordeak neurri egokiak hartuko ditu.
- Bazkideren batek giltzak bueltatzen ez baditu, Zuzendaritza Batzordeak dagozkion neurriak hartuko ditu.
- Aterpea alokatzearen ordainketa erreserba egiten den unean egingo da. Erreserba bertan behera uzten bada, erreserbarengatik ordaindutako prezioaren erdia galduko da, ezinbesteko egoeretan izan ezik. Azken kasu hauetan egoera eman dela Zuzendaritzan baloratuko da.
- Mantentze lanak errazteko, egonaldiaren ondoren formulario bat bete beharko da aterpearen egoeraren berri emateko.
- Behar ez bezala erabiltzeagatik edo aterpea abandonatuta edo zikin uzteagatik erantzukizuna eskatuko zaio ikusitako anomalien berri eman ez duen aterpea uzten izan den azken bazkide okupatzaileari.
- Erabiltzaileren batek Erregelamendua beteko ez balu, ezin izango luke aterpea erabili.
- Erregelamendu honetan jasotzen ez diren kasuak Zuzendaritza Batzordeak aztertu eta ebatziko ditu.
- Kuotak egunean ez dituen bazkideak ezin izango du aterpea erabili kuotak ordaintzen ez dituen bitartean.
- Zuzendaritza Batzordeak Erregelamendu hau aldatzeko ahalmena izango du, beharrezkotzat jotzen duenean.
ERREGELAMENDUA
Sarrera
- Sartu eta eskubialdean bi giltza daude, horietako batekin kanpoaldeko atzealdeko bigarren atea ireki eta gasaren giltza ireki.
- Argiaren interruptore orokorrak altsatu.
- Aterpera sartzeko, zure botak sarrerako kutxatiletan utzi beharko dituzu, eta atseden hartzeko zure oinetako garbiekin sartu.
Irteera
- Irtetzen azkeneko taldea:
- Gasaren giltza itxi.
- Argiaren interruptoreak jaitsi.
- Leihoak eta leihoa-ateak itxita utzi.
- Hondakin guztiak atera. Inguruko herrietan hondakinak botatzeko puntuak daude. Papera, plastikoa, beira eta olioa birziklatu behar dira.
- Erabili dugun guztia garbia utzi behar da: lurra, eskailerak, logela, komuna, sukaldea eta egongela. Dena ordenatuta geratu beharko da.
Espazio orokorrak
- Aireztatuta mantendu.
- Animaliak ezin dira sartu.
- Gure ingurua zainduko dugu, zarata, soinua eta zikinkeria saihestuz.
- Aterpea kerik gabeko eremua da.
- Argia eguzki-panelen bidez lortzen da beraz argiaren erabilera zaindu, beharrezkoa duzuna soilik erabili. Aterpetik ateratzean argiak itzalita gelditzen direla bermatu.
- Isiltasuna mantenduko dugu 23:00 tatik 7:00ak arte. Ordu tarte horretan argirik ez dago komunean izan ezik. Ordu hauetan aterpean sartu edo irten behar duenak, lo dauden pertsonak gogaitzen dituen edozein zarata saihestuko du.
Sukaldearen erabilera
- Sukaldean sei su daude. Adostu, aterpean zaudetenen artean erabiltzeko txandak.
- Sukaldatu ondoren suak garbiak utzi.
- Talde bakoitzak bere tresnak garbiak, lehorrak eta jasoak utzi behar ditu.
- Sukaldean garbiketarako honako hauek aurkituko dituzu: xaboia eta estropajoa. Mahaiak garbitzeko trapuak eta lehortzekoak etxetik eraman behar dira.
- Sarreran dauden hondakin poltsak erabili.
- Mendien izenak dituzten kutxak daude taldeen erabilerako, janaria, tresnak… gorde bertan baina egonaldiaren bukaeran hutsak eta garbiak gelditu behar dira.
Jangelaren erabilera
- Mahaiak partekatu behar dira.
- Aterpean dagoen inork ezin izango du mahai jakin bat hartu. Erabili ondoren, garbitu eta gainerako erabiltzaileen eskura utzi beharko du.
- Jangela erabili ondoren garbi utzi behar da.
Tximiniaren erabilera
- Ez utzi tximinia piztuta zaindu gabe. Ziurtatu zaitez guztiz itzalita dagoela ohera joan edo aterpetik irten aurretik.
- Egur lehorra eta zaharra erabili, egur bustiak edo berdeak ke gehiago sortzen du eta kedarra tximinian pilatzen laguntzen du.
- Sua itzali ondoren, errautsak kendu eta kanpoaldean horretarako dagoen gunean bota, hurrengo erabilerako garbia eta prest utziz.
- Ez erabili ura sua itzaltzeko.
Logelen erabilera
- Logeletan ezin da jan.
- Oheko koltxoiak ezin dira bertatik mugitu.
- Burkoak eta mantak norberak eraman behar ditu etxetik.
Komunen erabilera
- Komuneko papera egongo da.
- Dutxarako sandaliak eta toalla norberak eraman behar ditu.
- Dutxa eta komuna erabili ondoren garbiak utzi behar dira.
- Komuneko papera eta bestelakoak zaborrontzian utzi; joan aurretik hustu beste hondakinekin batera.
Matxurak, hondatzeak
- Erabilpen desegokiaren ondorioz hondatutakoa (baxera…), ordaindu beharko da.